ءباسپاسوز ماسليحاتى ءدۋالدى وقىتۋدى ەنگىزۋدىڭ اعىمدى جاعدايمەن جانە بيزنەسپەن ارىپتەستىگىنىڭ دامۋى, بىلىكتى كادرلاردى دايارلاۋدىڭ جانە ەڭبەك نارىعىنا قاجەتتى مامانداردى دايارلاۋ بويىنشا حالىقتى اقپاراتتاندىرۋ ماقساتىندا وتكىزىلدى.
سپيكەرلەر ءدۋالدى وقىتۋدىڭ نورماتيۆتىك قۇقىقتىق بازاسىن جاقسارتۋ تۋرالى حاباردار ەتتى, دۋالدى وقىتۋدى ەنگىزۋ سالاسىندا ارىپتەستىك جانە تەتىكتەرى, ءدۋالدى وقىتۋدى ەنگىزۋ دە پروبلەمالار جانە ولاردى شەشۋ جولدارى تۋرالى تانىستىردى. حالىقارالىق ساراپشىمەن دۋالدى وقىتۋدى ەنگىزۋ جونىندە باعا بەرىلدى جانە دۋالدى وقىتۋدى دامىتۋدى جالعاستىرۋ ءۇشىن ۇسىنىستار ايتىلدى.
داۋلدى وقىتۋدى جۇزەگە اسىرۋدىڭ كادرلاردى دايارلاۋ يندۋستريانىڭ سۇرانىستارىنا ماكسيمالدى جاقىنداتىلعان, تەوريامەن تاجىريبە اراسىندا الشاقتىعىن جويۋ, بولاشاقتى جۇمىسشىنىڭ جاڭا پسيحولوگياسىن قۇرۋ, ءبىلىم الۋدىڭ جوعارى موتيۆاتسياسىن جانە جۇمىس ورىندارىندا پراكتيكالىق داعدىلارىن يگەرۋ, قاجەتتى كاسىبي تاجىريبەنى الۋ, قىزمەتكەرلەر مەن بيزنەس-پروتسەستەر تۋرالى ءبىلىم الۋ دەگەن وڭ جاقتارى بار.
«وزدەرىڭىزگە بەلگىلى 2012 جىلدان باستاپ ەلباسى نۇرسۇلتان نازارباەۆتىڭ تاپسىرماسىنا سايكەس ەلىمىزدىڭ كاسىپتىك-تەحنيكالىق ءبىلىم بەرۋ سالاسىندا ءدۋالدى وقىتۋ سالاسى كەڭىنەن ىسكە اسىرىلىپ جاتىر. بۇگىنگى كۇنى, 2018 جىلى بۇل ءدۋالدى كاسىپتىك تەحنيكالىق ءبىلىم بەرۋ ماسەلەسى قولعا الىنىپ, جالپى ەلىمىزدەگى كوللەدجدەردىڭ 56 پايىزى وسى ءدۋالدى تەحنيكالىق ادىسپەن وقىتىلىپ جاتىر دەپ ايتا الامىز. كوللەدجدەردى قامتۋ ارقىلى دۋالدى وقىتۋ ايتارلىقتاي كەڭەيتىلدى. 2013 جىلى 176 – دان, 2017 جىلى 460 – قا دەيىن ءوسىپ, 56 پايىز جالپى كوللەدجدەر جانە 70 پايىزى تەحنيكالىق, تەحنولوگيالىق جانە اۋىل شارۋاشىلىق كوللدجدەر قۇراپ وتىر. كاسىپورىندار 2013 جىلى 2097 – دان, 2017 جىلى 3055 كاسىپورىنعا دەيىن ارتتى, شارتتاردىڭ سانى 2013 جىلى 2902 شارتتان, 2017 جىلى 10993 شارتقا دەيىن ءوستى», دەپ اتاپ ءوتتى ءبىلىم جانە عىلىم مينيسترلىگىنىڭ ۆيتسە-ءمينيسترى اسحات ايماعامبەتوۆ.
راۋان قايدار,
«ەگەمەن قازاقستان»
